30.10.2010, Eidsbøen kunstgras, kvalifisering, hr. 2.div.

Austevoll - Voss  4 - 1   (2 - 0)

Samanlagt 5-3, Austevoll klar for 2.divisjon 2011!

Lagoppstilling (4-4-1-1)

Mål

Kort
Voss:		Kim Andrè , gult
Austevoll:		eitt gult
Tilskodarar:		ca. 800
Dommar:		Steinar Hauge, Djerv SK
Full kontroll !
Stjernebørs
***	**			*
Smalahovèberget og resten av vossagjengen. Sto på til siste slutt - og avslutta med ståande applaus etter kampslutt ! Dette likte me - velkommen tilbake ved sesongstart 2011!	Stig Arne			Kim Andrè
Fokus on Austevoll - Voss

Austevoll best

Herrane tapte i dag den avgjerande kampen borte mot Austevoll 4-1, og forset dermed i 3. divisjon også neste sesong. Heimelaget fekk ei perfekt opning på kampen med scoring allereie i det 9. minutt etter sjølvmål av Voss. Kampen sin store spelar, Trond Heggestad, auka leiinga til 2-0 ti minutt før pause. Då same mann sette inn 3-0 i det 73. minutt, såg det mørkt ut for Vossingane. Men Håkon reduserte til 3-1 og Voss var då berre eitt mål unna 2. divisjon. Men - Heggestad punkterte kampen få minutt etter med si tredje scoring for dagen. I fylgje rapportane dominerte Austevoll det meste av kampen og vann fortent. Dei var godt organisert, presise i pasningsspelet og skapte flest sjansar. Voss klarte ikkje å koma opp på sitt beste nivå. Me gratulerar Austevoll med opprykk til 2. divisjon.

Spenning til slutt

Det vart ingen opprykksfest på Voss sine herrar etter returmøtet mot Austevoll.

Det tok berre 9 minutt før heimelaget hadde utlikna Voss si eittmålsleiing etter fyrste kampen.

Mens Austevoll i den kampen sleit med å omsetje sjansane i mål, trilla ballen ved fleire høve deira veg denne laurdagsettermiddagen. Fyrst fekk dei ei tidleg leiing på sjølvmål, deretter hedda Kim Andrè i tverrliggaren, før goalgettar Trond Heggestad scora eit glimrande 2-0 mål før pause.

Etter kvilen opna Voss friskare, og ein hadde etter kvart fått tilbake trua på at dette kunne gå. Men so viser Heggestad, kampens store spelar, seg fram som den måltjuven han er då han krigar inn  3-0!

Ingenting å tape - Voss med tre bak

Voss, med lite å tape, la om til 3 bak, og fekk betalt. Eirik stussa vidare eit innlegg frå høgre, og Håkon reduserte til 3-1. Sju minutt pluss tillegg gjenstod og Voss var eitt mål frå 2. divisjon.

Voss kom på nokre farlige visittar i Austevollfeltet, men utan å kome til gode avslutningar. Laget  spela med stor risiko slik stoda var, og eit unødig balltap gav heimelaget den overgangen dei trong for å sikre opprykket. På ny var Heggestad sist på ballen.

Kampen vart relativt jamn målt i banespel, men Austevoll var denne dagen betre enn Voss i alle ledd. Dei låg kompakt i forsvarsfasen, hadde større presisjon i det dei føretok seg og hadde høgare balltempo enn gjestane.

Opprykket var fortent sjølv om kampen var jamnare og inneheldt langt meir spenning enn sluttresultatet fortel om.

Gratulerar !

Austevoll har vore betre enn Voss i kvalifiseringa - det kan me erkjenne. Me gratulerar med opprykket og ynskjer lukke til i 2.divisjon!

Skuffa?

Ja, sjølvsagt vert ein skuffa etter å ha tapt eit opprykk. Men kanskje aller mest fordi prestasjonane i desse kampane har vore eit stykke unna toppnivået for laget.

Øyeblikks-skuffinga  må heller ikkje overskugge det faktum at sesongen samla sett har overstige dei fleste forventningar. Det er verdt å trekkje fram når ein skal oppsummere.

osø